ММФ детално ќе ја скенира транспарентноста во трошењето на народните пари

Преставници на Меѓународниот монетарен фонд детално ќе ја скенираат транспарентноста во трошењето на народните пари од страна на јавните институции и функционери. Со став дека граѓаните имаа право да знаат како и каде се трошат нивните пари, монетарците мисијата ја почнаа од Буџетскиот совет.

На народните избраници им сугерирале, финансиска едукација и навреме да се вклучат во процесот и планирањето и креирање на буџетската каса, пред да влезе предлогот во собраниска процедура да ги имаат податоците околу проекциите.

Од пратениците биле информирани дека со новата стратегија во следните две години имаат намера да ја зајакнат фискалната транспарентност.

На прашањето дали ќе се намалат патните трошоци на избраните и именувани лица, претседателката на Советот вели- во процедура се измените на Законот за плати и надоместоци, но треба да се донесат и одредени правилници, а ременот да го затегнат не само парламентарците, туки и владините фунцкционери.

„Се работи на тој правнилник, него го носи претседателот на Собранието на РМ, и секако генералниот секретар кој треба да го спроведе во рамки на службите на Собранието. Кога зборуваме за фискалната транспрарентност на патните трошоци, јас не би ја исклучила и Владата на РМ и сите остнатани избрани функционери кои влегуваат во тој закон“, изјави Форсина Ташевска- Ременски, претседател на Буџетскиот совет.

Од Министерството за финансии тврдат дека за подбра транспарентност, направени биле 14 клучни промени. На месечна основа се објавуваат извештаите за извршување на буџетот по одделни корисници, квартално реализациите на општинските буџети и на Владата.

Буџетскиот совет основан пред еден месец има задача во следните три години да го следи трошењето на парите од страна на Собранието. А, по консултациите овој месец во земјава, меѓународните монететарци ќе излезат со препораки и мерки што ќе треба да се преземат.

Сузана Фиданска- Стоевска