Економијата и инфраструктурата во фокус на денешната седница на Владата
На предлог на Mинистерството за финансии, министрите ќе го разгледаат и изменетото законското решение за вршење услуги- брз трансфер на пари, информацијата за продолжување на крајниот рок на достапност на средствата обезбедени од заем од Европска инвестициска банка...
Владата на денешната седница ќе се произнесе по предлог- одлуката за давање согласност за долготраен закуп на градежно земјиште- сопственост на Република Македонија со непосредна спогодба на друштво за производство на електрична енергија „Актуел Енерџи Груп“ за изградба на мала хидроцентрала на реката Конска.
На предлог на Mинистерството за финансии, министрите ќе го разгледаат и изменетото законското решение за вршење услуги- брз трансфер на пари, информацијата за продолжување на крајниот рок на достапност на средствата обезбедени од заем од Европска инвестициска банка и извештајот за моменталната состојба на железничка делница Бељаковце- Крива Паланка, од железничкиот Коридор 8.
На седницата, јавното претпријатие за државни патишта ќе информира за можноста за поврзување на индустриската зона „Тетово“ со автопатот А2, а Агенцијата за вработување ќе ја презентира програмата за нејзината работа за годинава.