Од синоќа гори отпадно железо во „Макстил“, пожарникарите сѐ уште на терен

Пожарникарски екипи сѐ уште го гаснат пожарот во фабриката „Макстил“, кој избил доцна синоќа, откако се запалил стар железен отпад.

Во тек е интервенција на територијалната Противпожарна бригада на Град Скопје со девет возила и 21 пожарникар. Побарана е и помош со цистерни на Комунална хигиена, на ЈП Водовод и канализација Скопје.

Според Противпожарната бригада во Скопје, пријавата за пожарот ја добиле синоќа околу 23:30 часот. На теренот затекнале запалено суровинско отпадно железо, кое вработените го подготвувале да го стават во печките на топење.