13 години Дирекција за заштита и спасување
Дирекцијата за заштита и спасување одбележува 13 години од основањето. Граѓаните коишто присуствуваа на свеченоста имаа можност да ја видат целокупната опрема со која располагаат интервентните единици за спасување на граѓаните во елементарни непогоди и несреќи. Надлежните велат дека се потребни повеќе вложувања во обучени кадри и во техничка опрема...
Формиран е Републички штаб со кој се воспоставува систем за заштита и спасување на територијата на целата држава. Директорот на Дирекцијата вели- фокусот е ставен на превенцијата од непогоди, но се подготвени да интервенираат и во случај на кризи.
Обуки за пиротехника и деминирање по највисоките стандарди на НАТО веќе се спроведени, а системот за заштита и спасување се усогласува со стандардите на Европската унија.
Министерот Спасовски вели- обврска на Владата е да обезбеди поинтензивно техничко, стручно и организациско управување на Дирекцијата, а во полза на граѓаните.
Надлежните информираа дека пред девет месеци Дирекцијата пливала во долгови. Незаконски се издавале и стотици лиценци за сервис на ПП апарати и хидрантски мрежи за што е отворена истрага и се поднесени пријави.
Анита Димитријевска