Авганистан: Операција за заземање на градот Фарах

Талибанците го нападнаа авганистанскиот град Фарах, центар на истоимената провинција во западниот дел на државата. Во нападот биле убиени и ранети десетици лица.

Во борбите Талибанците презеле неколку безбедносни контролни пунктови. Според шефот на провинцискиот совет на Фарах, настрадале околу 30 припадници на безбедносните сили.

Цивилите го напуштаат градот, кој се наоѓа на 695 километри од авганистанскиот главен град Кабул. Провинцијата Фарах се граничи со провинцијата Хелманд, каде Талибанците контролираат неколку окрузи.