Завршни зборови во случајот „Поткуп“, обвинителката го преквалификува делото

Во Кривичниот суд, завршни зборови за случајот „Поткуп“, во кој е обвинет премиерот Заев. Обвинителката Бислимовска го преквалификува делото. Наместо за примање поткуп, реши Заев да го гони за кривичното дело барање поткуп, за што е предвидена затворска казна од една до пет години.

Бислимовска образложи дека преквалификацијата е направена бидејќи од доказите произлегло оти Заев не примил мито, а и самиот сведок Иван Николов, сведочел дека никогаш не му дал пари на премиерот.

Заев очекува ослободителна пресуда, бидејќи како што вели, станува збор за монтиран случај.