Украина сака да го прати Јанукович во Хаг

Украинскиот парламент усвои резолуција со која бара досегашниот претседател на државата поради тешките злосторства да одговара пред судот во Хаг. Изборот на нов премиер е одложен за в четврток.

 Соборениот украински претседател Виктор Јанукович според желбата на украинскиот парламент во Киев треба да биде изведен пред Меѓународниот кривичен суд во Хаг. Јанукович е одговорен за тешки злосторства, се вели во резолуцијата која со големо мнозинство гласови беше усвоена од пратениците во Киев. На товар на досегашниот шеф на државата се става смртта на најмалку сто луѓе во Украина и други држави. Со парламентанрана резолуција се засегнати и екс-министерот за внатрешни работи Витали Сахарченко и генералниот државен обвинител, Виктор Пчонка.

Јанукович, кој беше развластен во саботата, се наоѓа во бегство и по него е издаден налог за апсење.

В четврток треба да биде формирано ново владино мнозинство во Врховната рада и да биде составена нова влада на Украина, соопшти претседателот на украинскиот Парламент и в.д. шеф на државата Олександар Турчинов.

Издаден е налог за апсење на Јанукович.