Ципрас викендов на средби за името со државно- политичкиот врв во Грција

Грчкиот премиер Алексис Ципрас викендов ќе брифира за разговорот со премиерот Зоран Заев за името, што се одржа на маргините на самитот ЕУ- Западен Балкан во Софија.

Според грчки владини извори, Ципрас по средбата со Заев, има намера да ги извести грчкиот претседател и лидерите на политичките партии за најновите детали од разговорите за името.

Атина не отстапува од нејзиниот став за решение за името за севкупна употреба и промена на македонскиот Устав, како услови за постигнување на конечен договор за решавање на долгогодишниот билатерален спор.