Шекеринска ќе биде одликувана со орден „Командант на Националниот ред за заслуги на Франција“

Министерка за одбрана Шекеринска ќе биде одликувана со орден „Командант на националниот ред за заслуги на Франција“. Високото одликување во име на претседателот Макрон ќе и биде врачено утревечер на прием во Француската резиденција во Скопје.

Орденот се доделува за истакнати граѓански заслуги, а воспоставен е во 1963-та година од генералот Де Гол.

Мојата цел е да придонесам колку што можам во зацврствувањето на европските вредности во мојата држава, Република Македонија, како рамноправна членка на НАТО и ЕУ, во име и за подобар живот на граѓаните, вели министерката за одбрана.

Шекеринска е прв македонски политичар што добива признание од овој ранг.