Корејски Полуостров: Разговори во демилитаризираната зона

Делегација на Јужна Кореја, во Панмунџом, во демилитаризираната зона, на разговори со Северна Кореја. Земјите треба да дискутираат за да обезбедат позитивна атмосфера пред самитот на САД и на Северна Кореја.

Пјонгјанг на 16-ти мај ги откажа разговорите со јужниот сосед, во знак на протест поради заедничките вежби меѓу Сеул и Вашингтон.

Првично, американскиот претседател Трамп го откажа состанокот со Ким Јонг Ун, но потоа се премисли. Американски и севернокорејски официјални претставници ги утврдуваат деталите за самитот на 12-ти јуни во Сингапур.