Почна кампањата „На секое дете му треба семејство“

Секое дете треба да расте во семејство или најблиску налик до него, опкружен со топлина и љубов. Децата го заслужуваат тоа. Покрај грижата за сопствените деца, македонски семејства несебично родителска љубов може да им дадат на оние кои се сместени и живеат во социјалните институции, вели министерката за труд и социјална политика Мила Царовска.

Во следните два месеца ќе се организираат отворени денови во 30 градови преку Центрите за социјална работа и СОС Детско село, за да им се даде на граѓаните низ целата земја можност да дознаат повеќе и да станат згрижувачки семејства. Ова е дел од кампањата на Министерството и УНИЦЕФ.

Заинтересираните ќе треба да се пријават и да се регистрираат како згрижувачи, да поминат обука, да добијат дете и да се грижат за него. Министерката Царовска посочи дека листата на посвоители е многу голема, додека на децата кои се достапни за посвојување е многу мала. Порача да се поедностави постапката за да секое дете добие родителска грижа и дом.

Наташа Гркова- Петрушевска