Почнува уписот во средните училишта
Ранг-листите со резултатите од запишувањето и слободните места ќе бидат објавени на 20-ти јуни. Квалификациското тестирање ќе се организира на 22-ри јуни, а конечните ранг-листи со резултатите ќе бидат објавени на 25-ти јуни.
Во јавните средни училишта во земјава денеска и утре се спроведува првото пријавување и запишување ученици за учебната 2018/2019 година во јунскиот уписен рок.
Ранг-листите со резултатите од запишувањето и слободните места ќе бидат објавени на 20-ти јуни. Квалификациското тестирање ќе се организира на 22-ри јуни, а конечните ранг-листи со резултатите ќе бидат објавени на 25-ти јуни.
Второто пријавување и запишување на учениците во јуни ќе се врши на 28-ми, а резултатите од запишувањето и слободните места ќе бидат објавени наредниот ден, 29-ти јуни.
Според конкурсот кој МОН го објави во март, учениците може да изберат гимназиско образование, стручно образование (техничко образование – четиригодишно траење, стручно образование за занимање – тригодишно траење и двегодишно траење), средно уметничко образование и средно образование за ученици со посебни образовни потреби.
Пријавувањето и запишувањето на учениците во августовскиот рок ќе биде на 23-ти август.