МТСП: Семејството на трите деца кои загинаа во пожарот во Велес е корисник на социјална парична помош

Семејството на трите деца кои вчера настрадаа во пожар во Велес било евидентирано во системот на Центарот за социјална работа во Велес и биле корисници на социјална парична помош, соопшти денеска Министерството за труд и социјална политика.

Општината Велес во соработка со Центарот за социјална работа се ангажираат за организирање на погребот за настраданите деца, соопшти Министерството.

Во тек е истрагата на Основното јавно обвинителство и на Министерството за внатрешни работи кои што ги истражуваат причините за трагичниот пожар во кој животот го загубија три деца.