Реформите во безбедносниот систем ќе бидат долгорочен процес
Реформите во безбедносниот систем ќе бидат долгорочен процес, вели првиот човек на УБК, Горан Николовски. На конференција во Скопје, заклучено оти се потребни деполитизација на институциите и поставување професионални кадри. Отворена дебата и за случаи за кои се смета оти се политички монтирани. Обвинети и нивни адвокати се интересираа за можноста за повторно судење...
„Реформскиот процес во безбедноста е почнат, ќе биде долг и макотрпен. Враќањето на довербата на граѓаните кон полицијата е клучна за соработување во заштитата на државата“, вели првиот човек на УБК, Горан Николовски. Посочува дека е неопходна деполитизација на институциите, контрола и координација на работата на Управата, како и поставеноста на кадрите и нивниот професионализам.
На Конференцијата за реформи во безбедноста акцент ставен на спроведување на владините заклучоци за политички монтирани случаи. Во рамките на работната група се договараат правилата и начинот на постапување по барањата.
Адвокати и обвинети во повеќе случаи се интересираа за постапките за повторно судење. Тврдат дека во нивните постапки биле прекршувани човековите права, а случаите политички монтирани. Веќе имало поднесени барања, на дел им било одговорено, велат од комисијата. Нивна проценка е дека има околу 25 случаи со поголем број обвинети, но и поединечни во граѓанска и управна постапка, малку познати во јавноста.
Наташа Гркова- Петрушевска