Македонија се соочува хибридни закани од типот на црна пропаганда
Безбедносните ризици со кои се соочуваат земјите, веќе не се конвенционални, туку хибридни. Најдобар начин земјите да се одбранат од нив е да го зголемат нивото на свесност, и да соработуваат со партнерите. Во Скопје конференција „Стабилизирачки ефекти од евроатлантската интеграција: Да работиме заедно против хибридните закани“.
За поголема стабилност и просперитет е потребно земјава да се потпира на три столба- демократијата, добри меѓуетнички односи и членството во ЕУ и во НАТО, оцени министерката за одбрана Шекеринска на конференцијата посветена на хибридните закани. Констатирано оти земјава не е имуна на оваа појава. Се води црна пропаганда, оцрнување на дел од државните и меѓународните институции, извртување на легитимните интереси на Македонија.
Претставниците од Партнерството за мир истакнаа дека покрај конвенционалните закани, земјава се соочува со безбедносни предизвици од економска и од технолошка природа.
Против новите закани, како што е кибер криминалот и радикализацијата, не може да се води борба со оружје и проектили и оттаму справување со нив е отежнато, оценуваат експертите. Клучот за успех е собирање и споделување информации со стратешките партнери.
Игор Панов