Сугарески: Капитални инфраструктурни зафати во Пелагонискиот регион

Се интензивираат градежните работи на битолската обиколница започнати пред еден месец. Надлежните очекуваат обновувањето на осумкилометарската делница вредно 1,5 милиони евра да заврши пред предвидениот рок од осум месеци. Тоа е значајна локација која ги поврзува влезовите од страните на Прилеп и Ресен. Поради низата објективни проблеми таа честопати беше затворана за сообраќај и истиот се пренасочуваше низ Битола.

„Имавме сериозни проблеми со свлечиштето лошата состојба со коловозот како и познатите проблеми со населението од ромската населба. Со овие зафати состојбата ќе се нормализира и намалат проблемите и за возачите“, вели градоначалникот на Битола Наташа Петровска.

Увид на градежните работи изврши ресорниот министер Сугарески. Рече дека доплнително во фаза на изработка е и проект за звучни бариери во делот на ромската населба, а ги најави и следните значајни инфраструктурни инвестиции за Пелагонискиот регион.

Тој се осврна и на инвестиците во железничката инфраструктура. Вели дека до крајот на ноември ќе заврши и изградбата на пругата Битола- Меџитлија.

Стевче Митревски