Ријад и Москва нема да го зголемат производството на нафта

Саудиска Арабија, челната држава во Огранизацијата на земји извозници на нафта „ОПЕК“, заедно со Русија, најголемиот сојузник меѓу производителите на нафта вон организацијата, одби да го зголеми производството и покрај барањето на американскиот претседател Трамп којшто со таа мерка сака да ги смири пазарите.

Месецов, цената на нафтата достигна 80 долари, поради што Трамп побара од ОПЕК нејзино намалување. Поскапувањето е резултат на падот на извозот од Иран по воведувањето на американските санкции.