СДСМ повикува на гласање, ВМРО-ДПМНЕ обвинува- власта фрла црна дамка врз референдумот
Не смееме да чекаме уште 27 години за да изградиме европска држава. Движењето „Излези за“ повикува на гласање на 30-ти септември. ВМРО-ДПМНЕ обвинува дека власта фрла црна дамка врз фер референдум со тоа што не номинира наблудувачи од Собранието...
Време е за одлука, не можеме и не смееме да чекаме уште 27 години за да изградиме држава по европски правила, порача генералниот секретар на СДСМ, Александар Кирацовски. Вели, имаме историска шанса да ги реализираме децениските стратешки интереси, влез во НАТО и во ЕУ.
Власта фрла црна дамка врз фер референдум со тоа што не номинира наблудувачи од Собранието, обвинија од ВМРО-ДПМНЕ. Побараа Државната изборна комисија да изврши измени во Правилникот за да се тргнат ограничувањата за ставање приговори и забелешки на избирачките места од набљудувачите.
Власта секојдневно зборува за европски вредности и принципи, а се однесува недемократски, без почитување на демократските права, обвинија од опозицијата.
Наташа Гркова- Петрушевска