Пучдемон: Туск да биде посредник во каталонската криза

Поранешниот претседател на Каталонија, Карлес Пучдемон кој живее во Белгија, го предлага претседателот на Европскиот совет Доналд Туск да посредува во кризата меѓу шпанските власти и приврзаниците за каталонска независност.

Во книгата „Каталонската криза, можност за Европа“, Пучдемон наведува дека Европа се воздржала од каков било официјален коментар, и тоа според него, „остава можност“ за посредничка улога.