Обработени 98,61 проценти: „За“ гласале 91,48, „против“ 5,64 отсто

Државната изборна комисија на својата веб страница изутринава соопшти дека од вкупно обработените 98,61 процент од избирачките места, покажуваат дека на референдумското прашање гласале „за“ 91,48 проценти или 605.016 граѓани, а против се изјасниле 5,64 проценти или 37.312. Неважечки биле 2,88 проценти.

Според ДИК, на гласање излегле 661.393 гласачи или 36,87 проценти од запишаните во избирачкиот список.

Синоќа претседателот на ДИК, Оливер Деркоски најави дека во текот на денешниот ден ќе ги објави и првите официјални резултати.