Спасовски: Вратите на МВР отворени за квалификуваниот кадар од областа на безбедноста
Стручното и кадровското надградување на безбедносните служби ќе продолжи и во иднина, рече Спасовски.
На првиот академски час на новите 298 бруцоши на Факултетот за безбедност, министерот за внатрешни работи најави вработување на триесетина дипломирани криминалисти во МВР. Стручното и кадровското надградување на безбедносните служби ќе продолжи и во иднина, рече Спасовски.
Во Министерството за внатрешни работи, согласно нашите приоритети за кадровско, но и адекватно стручно екипирања на институцијата, после подолг период годинава се вработуваат триесетина ваши колеги, образувани и во вашата институција, убедени дека нивната стручна и образовна подготвеност ќе бидат важен инпут во севкупното поквалитетно работење на МВР, рече министерот Спасовски.
Деканот на факултетот, Никола Дујовски посочи дека студентите ќе се стекнат со знаења и вештини кои ќе им помогнат да се справат со безбедносните предизвици.