Вучиќ на разговори со Путин за ситуацијата во Косово

Српскиот претседател Александар Вучиќ во Москва разговара со претседателот на Русија Владимир Путин, на, како што рече, еден од најзначајните состаноци. Вучиќ истакна дека состојбата во регионот е сложена и дека е потребно да се одмерува секој збор и политички потег.

Најави дека со Путин ќе разговараат за билатералните односи, за ситуацијата во регионот и во светот за да добие совети и за тоа како Русија да ѝ помогне на Србија во остварување на политичките и национални цели.