Следната недела почнува расправата за ребалансот на буџетот
Според владиниот предлог има намалување на приходната и расходната страна за 0,5 насто. Се задржува буџетскиот дефицит на 2,7 проценти, а се ревидира проекцијата за економскиот раст на 2,8 насто.
Следната недела почнува расправата по ребалансот на буџетот. Во понеделник е закажана седницата на матичната Комисија за финансирање и буџет. Според владиниот предлог има намалување на приходната и расходната страна за 0,5 насто. Се задржува буџетскиот дефицит на 2,7 проценти, а се ревидира проекцијата за економскиот раст на 2,8 насто.
Според министерот Тевдовски, блокадата за влез во НАТО и ЕУ и неизвесноста, негативно може да влијае на економијата. Расходната страна на буџетот е коригирана надолу за 1,2 милијарди денари, односно за 0,5 проценти. Најголемо кратење има кај проектите каде има забавена динамика, односно за гасификација и за откажаната изградба на Клиничкиот центар.
За Фондот за здравствено осигурување, Фондот за пензиско и инвалидско осигурување и за Агенцијата за вработување се обезбедени дополнителни 1,8 милијарди денари.