Курц: ЕУ не е комплетна без Западен Балкан

Европската унија ќе биде комплетна дури кога државите од Западниот Балкан ќе станат членки на Унијата, изјави актуелниот претседавач и австриски канцелар Себастијан Курц на конференција во Будва.

„ЕУ перспективата за Западен Балкан изгледа подобро од кога било. Земјите од регионот се на добар пат кон ЕУ. И честитам на Македонија за историската одлука да продолжи со имплементација на Преспанскиот договор, со што испрати сигнал на охрабрување не само за неа, туку и за целиот регион“, истакнал Курц на конференцијата „Балканот и ЕУ- петгодишен циклус на Берлинскиот процес“ што се одржува во Будвa.

Според Курц, долгорочната стабилност и безбедност на регионот и на ЕУ може да бидат обезбедени само ако Западниот Балкан стане дел од Унијата.