Голем интерес за вакцинација против сезонски грип
Во сите институти за јавно здравје почна вакцинацијата против сезонски грип. Обезбедени се 41 илјада дози. За сите луѓе над 65 години и со пензија помала од 14.480 денари, имунизацијата е бесплатна, за другите чини 650...
Полни ходници на центрите за јавно здравје. Почна вакцинацијата против сезонски грип. Оваа година таа е четиритипна. Наменета е за целата популација на возраст над 6 месеци. Особено ризични групи за вакцинација се лицата над 65- годишна возраст, без разлика дали имаат хронични болести.
Вакцината треба да ја примат лицата со намален имунитет, без оглед на возраста, малите деца до 5- годишна возраст и лицата што работат на места каде што доаѓаат во контакт со многу луѓе, препорачуваат лекарите.
Вакцината со наплата чини 650 денари. Оваа година Центарот за јавно здравје обезбеди 4.000 вакцини за лицата кои што ќе се вакцинираат со наплата, а министерството за здравство предвиде 5.000 дози за скопското подрачје за сите оние за кои вакцинацијата ќе биде бесплатна.
Препораките на лекарите е граѓаните да излезат и да се вакцинираат, без разлика на возраста, бидејќи грипот треба да се сфати сериозно. Од него можат да произлезат серизни компликации.
Александра Спировска