Владата ќе се бори со аерозагадувањето со 1,5 милиони евра
1,5 милиони евра од буџетот за намалување на аерозагадувањето. Владата го претстави документот за наредните две години- „План за чист воздух“. Се очекува аерозагадувањето во метрополата да се намали до 50 насто, а до 30 во другите градови. Ќе се засилат и инспекциите...
Со 1,5 милиони евра, Владата ќе се бори со аерозагадувањето. Претставен е документ- насловен „План за чист воздух“. Ќе се реализира во наредните две години.
Заменик-министерот за животна средина, Јани Макрадули вели оти се очекува, намалување на аерозагадувањето до 50 проценти во Скопје, до 30 во другите градови. Во план е да се подобри мониторингот, да се засилат инспекциите и да се воведат низа еколошки мерки.
Со планот се предвидува проширување на топлинската мрежа, субвенции за грејни тела и за затоплување за социјалните категории. Граѓаните се жалат дека тешко дишат, бараат да се лоцираат загадувачите.
Со планот за чист воздух се предвидува и набавка на нови мерни станици кои ќе даваат податоци во реално време, а ќе се спроведува и контролиран режим во сообраќајот.
Дијана Ценевска