Спасовски- најплатен функционер во владиниот кабинет
Вицепремиерот и министер за внатрешни работи Оливер Спасовски зема највисок личен доход од 92.299 денари за октомври и е најплатениот функционер во владиниот кабинет. На премиерот Заев за минатиот месец му биле исплатени 88.161 денар.
Објавена листата на платите на министрите во Владата. Вицепремиерот и министер за внатрешни работи Оливер Спасовски зема највисок личен доход од 92.299 денари за октомври и е најплатениот функционер во владиниот кабинет.
На премиерот Заев за минатиот месец му биле исплатени 88.161 денар. Според податоците, вицепремиерот Кочо Анѓушев добива 80.206 денари, а министерката Радмила Шекеринска добива 79.150 денари. Најниска плата зема миистерот за култура, Асаф Адеми од 66.117 денари.
Спасовски е единствен член на Владата што има плата повисока од 90 илјади денари, и ќе плаќа повисок данок. Платата на Спасовски е повисока од премиерската затоа што на министрите за внатрешни работи им следува дополнителен надомест поради спецификата на работното место.
Објавените податоци се дел од заложбите за поголема транспарентност на Владата.