ВМРО-ДПМНЕ: Судиите во Апелација да се издигнат над политичките нарачки
Според опозициската партија монтираниот политички процес по нарачка на власта не смее да биде потврден од судските органи, кои мора да нсат одлуки врз основа на законот и Уставот.
Апелациониот суд да ги цени фактите при одлучување за притворите на Миле Јанакиески и Кирил Божиновски, зашто тие 18 месеци ги почитуваат одлуките на Судот и се достапни на органите на прогонот, велат од ВМРО-ДПМНЕ. Според нив монтираниот политички процес по нарачка на власта не смее да биде потврден од судските органи, кои мора да нсат одлуки врз основа на законот и Уставот.
„При одлучувањето за притворот на Миле Јанакиески и на Кирил Божиновски, судиите во Апелацискиот суд мора да се водат од фактите, наспроти изречената мерка како одговор на потребата на хунтата за прикривање на неспособноста и на политичкиот терор против неистомислениците“, изјави портпаролот на ВМРО-ДПМНЕ, Наум Стоилковски.
Определување мерка притвор по цела година и половина за луѓе кои што со ништо не ги прекршиле претходните мерки е чисто политички мотивиран случај- велат од опозициската партија.