Одложено судењето за собраниските настани од 27-ми април

Поради отсуство на обвинетиот Мунир Пепиќ, во скопскиот Кривичен суд се одложи процесот кој се води за расчистување на собраниските настани од 27-ми април минатата година.

Како што појасни судијката Добрила Кацарска, овој обвинет е отсутен затоа што присуствува на рочиште за случајот „Титаник“, процес поврзан со изборни нерегуларности. Нов термин на судење е закажан за 27-ми ноември.

Под обвинение за собраниските настани се 33 лица. Од нив, 31 се товарат за терористичко загрозување на уставниот поредок и безбедноста, а двајца за помагање.