Сослушани вештаци за убиството на Саздовски

Во Кривичниот суд продолжи судењето против двајцата обвинети за убиството на 20- годишниот Никола Саздовски. Сведочеа вештаци од Институтот за судска медицина. Рекоа дека смртта е последица на тешките повреди на главата.  Во моментот на тепањето, Саздовски имал интензивни болки кои престанале откако изгубил свест.

Двајцата од напаѓачите, Бесир Беља и Скендер Демири, се во притвор во затворот во Шутка, а за третоосомничениот, кој се уште е недостапен за органите на прогонот распишана е домашна и меѓународна потерница.