Тетово: Средношколци на протест против аерозагадувањето

Речиси двесте средношколци од Тетово излегоа на протест поради аерозагадувањето. Учениците не присуствуваа на првите часови од наставата и маршираа до зградата на општината.

Оттаму побараа чист воздух и испорачаа барања до локалните власти. Искажаа револт за несериозноста и незаинтересираноста на надлежните, за решавање на еден од најважните проблеми. Средношколците ѝ дадоа на градоначалничката Теута Арифи рок од седум дена да донесе мерки и препораки против аерозагадувањето.

Според истражувањата, 38 насто од смртните случаи во тетовско се предизвикани од загадениот воздух.