Народен правобранител: Само 1% од децата со попреченост одат во градинка

Само еден насто од децата со попреченост се згрижени во градинките, велат од канцеларијата на Народниот правобранител. Во предучилишните установи недостигаат дефектолози, а најчест изговор е дека нема пари.

Според извештајот од канцеларијата на Народниот правобранител ова е показател за ограниченоста на инклузијата на оваа таргет група. Според нивното истражување, градинките немаат прецизни статистички подадоци, ниту прецизна евиденција за типот на попреченоста на детето, недостасуваат дефектолози како и дидактички материјали неопходни за предвидената програма.

Од канцеларијата на Народниот правобранител препорачуваат да се утврдат потребите на градинките и да се прецизираат нормативи за индивидуална работа со децата со попреченост, како и поголема ангажираност на родителите, не само во предучилишната возраст туку и во опшеството во целина.