Македонија и Западниот Балкан на денешната агенда на НАТО
На министрите ќе им се придружи и шефицата на дипломатијата на Европската унија, Федерика Могерини.
На вториот ден од состанокот на министрите за надворешни работи на земјите- членки на НАТО, ќе се одржи брифинг за Западниот Балкан. На министрите ќе им се придружи и шефицата на дипломатијата на Европската унија, Федерика Могерини.
Тема на разговорите, меѓу другото, ќе биде напредокот на Македонија кон членството во НАТО, и приближувањето на Босна и Херцеговина кон Алијансата.
Шефот на дипломатијата Димитров ќе учествува и на состанокот на Севернатлантскиот совет со земјите партнери во мисијата „Решителна поддршка“ во Авганистан.
Предвидено е Димитров и Шекеринска да имаат средба и со еврокомесарот за проширување и соседска политика Јоханес Хан.