Болни порази на Вардар и на Металург

Лигата на шампионите сигурно има приоритет, но сепак поради реномето македонските претставници имаат обврска и трета сезона да бидат дел од завршниот турнир во ракометната Сеха лига. Но, во тројната трка со Мешков и двете наши екипи загубија на гостувањата во 15-то коло, Вардар од Нексе со 32:25, а Металург од последнопласираниот Партизан со 23:22. Во дербито, Татран го совлада лидерот Загреб со 31:28 , но заедно се речиси на „Фајнл фор“ турнирот. Вардар и натаму  е трет со 28 бода, Металург е петти со 25, меѓу нив со 27 е Мешков кој се засили со неколку ракометари од распаднатиот Динамо Минск и утре дома ќе игра со аутсајдерот Борац од Бања Лука.  

Резултати – 15 коло:

Нексе - Вардар                      32:25

Партизан – Металург           23:22

Татран – Загреб                     31:28

Мешков – Борац Б.Л.            утре

Табела:

1. Загреб         37 (+1)

2. Татран        36

3. Вардар        28

4. Мешков      27 (-1)

5. Металург    25

6. Војводина  21

7. Нексе          17

8. Борац Б.Л.  12 (-1)

9. Ловќен       11 (+1)

10. Партизан  6