Папата Франциск на 7-ми мај ќе ја посети Македонија
Неговата светост папата Франциск, прифаќајќи ја поканата на највисоките власти на државата и на Католичката црква, ќе оствари апостолско патување во Република Македонија, на 7-ми мај 2019-та година, при што ќе го посети Скопје, родниот град на света Мајка Тереза...
Поглаварот на Римокатоличката црква, папата Франциск, на 7-ми мај наредната година ќе ја посети Република Македонија, соопшти владината прес- служба.
Неговата светост папата Франциск, прифаќајќи ја поканата на највисоките власти на државата и на Католичката црква, ќе оствари апостолско патување во Република Македонија, на 7-ми мај 2019-та година, при што ќе го посети Скопје, родниот град на света Мајка Тереза, се наведува во соопштението.
Пред Македонија, папата Франциск од 5-ти до 7-ми мај ќе престојува во Бугарија каде што ќе ги посети градовите Софија и Раковски.