Објавен оглас за давање под закуп на 1.420 хектари државно земјоделско земјиште
Објавен е оглас за давање во закуп на вкупно 1.420 хектари државно земјоделско земјиште во 13 региони. Услов за сите потенцијални закупувачи е доставување бизнис план за инвестирање во објекти за примарна преработка...
Се нудат 23 парцели поголеми од 3 хектари кои што се лоцирани во 13 региони. Според ресорниот министер Николовски, се работи за атрактивно земјиште за чие давање во закуп услов е доставување бизнис план за инвестирање во објекти за примарна преработка.
На огласот, во рок од 30 дена, ќе можат да се јават заинтересирани домашни физички и правни лица, како и странски правни лица.
Изборот на идните закупувачи ќе се изврши по пат на јавно наддавање, најави Николовски. На овој начин ќе се овозможи не само ставање во функција на земјоделско земјиште за примарна преработка, туку истовремено ќе се поттикне инвестирањето во објекти за преработка, односно изградба на: откупни центри, оранжерии, млинови, кланици, винарници или пак подигање насади.
Свето Николовски