Опозицијата поднесе барање за недоверба на Mеј

Шефот на британската опозиција во парламентот Џереми Корбин поднесе барање за недоверба на премиерката Тереза Меј откако таа одби да организира гласање за спогодбата за Брегзит пред идниот месец.

Ако владата го одбие барањето, тогаш Корбин може да поднесе барање за недоверба на целата влада што би можело да доведе до нови избори.

Парламентот минатата недела требаше да гласа за договорот за Брегзит што Меј го постигна со лидерите на ЕУ, но го одложи гласањето откако стана јасно дека мнозинството пратеници ќе бидат против тоа.