Се олеснува работењето на малите винари
Се подготвуваат новини во законот за вино. Според ресорното министерство ќе се олесни производството на вино во малите семејни винарии. Со предлогот тие ќе можат полесно да се регистрираат и да продаваат директно од визбите.
Нови правила во винарството. Се подготвуваат измени на Законот за вино кои ќе го олеснатат работењето на мали винарии и на физичките лица производители на вино. Ќе се овозможи развој и отворање на нови мали семејни винарии кои ќе може полесно да се регистрираат и произведеното на вино самите да го продаваат на пазарот.
Се предвидува и воведувањето на правила за производство и промет со органско вино и напитоци на база на вино, како што се ароматизирано вино, пијалак на база на вино и вински коктел.
Делот за класификација на вината, производство, означувањето и заштитата со географски назив во законот, ќе претрпи најголеми промени за негово целосно усогласување со Регулативите на Европската унија.
Министерството планира до крајот на месец јануари 2019-та година, да ја почне постапка за усвојување на предлог Законот, а неговата примена да ќе биде од април следната година.
Методија Трајков