„2019 ќе биде година на интеграција“
Со усвојувањето на уставните измени, Македонија отвори нова, светла страница на иднината, стабилноста, безбедноста и економскиот напредок.
Спроведувањето на договорот од Преспа ги отвори перспективите, а процесите за членство во НАТО и ЕУ се во финална фаза, велат од СДСМ. Според партијата, 2019 ќе биде година на интеграција, но и година на економски раст и развој и повеќе пари кај граѓаните. Платите ќе растат во сите сектори, граѓаните ќе добиваат поврат на ддв од 15 насто за купените производи или платените услуги, се реформира системот на социјална заштита. Владата предводена од СДСМ продолжува со спроведување на мерките што обезбедуваат напредок, интеграција, економски раст и повисок животен стандард за сите граѓани, се вели во соопштението од СДСМ.