Државните институции и претпријатија со нови имиња

Акционерското друштво македонска пошта, ќе се преименува во национална пошта. Новото име на Македонски шуми е – национални шуми, а македонската банка за поддршка на развојот во иднина ќе се именува како  Национална банка за поддршка на развојот. Македонска опера и балет станува – Национална опера и Балет, а новото име на јавниот сервис е Национална радио телевизија. Министерот за надворешни работи Никола Димитров посочи дека институциите треба да ги променат називите во разумен рок.

Никола Димитров - Министер за надворешни работи

Ако се почитува линијата на Преспа, што значи линијата на државата да биде на Република Северна Македонија или кратко на Северна Македонија, а линијата на идентитетот ако се работи за македонскиот народ, Македонците ќе си биде македонско и.т.н. тоа е логиката како ќе се именуваат и конкретните институции. МАНУ е државна институција и има една специфика, но мислам дека сме на добар пат да најдеме добро решение и за МАНУ – изјави шефот на дипломатијата Никола Димитров.   

Институциите се задолжени да проверат и дали се сменети дигиталните записи како логоа, меморандуми, веб страници и во рок од седум дена да достават збирен извештај до меѓуресорската работна група со одговор дали е извршена бараната измена и до кој степен.

Анита Димитријевска