Маркетите им ја земаат работата на пазарите
Маркетите им го земаат бизнисот на зелените пазари. Анкетата на земјоделскиот пазарен информатор кој секојдневно ги следи цените и работата на пазарите, покажува дека младите повеќе купуваат во маркетите. Причината е во работното време на потрошувачите кои иако некогаш може да платат и поскапо, избираат пазарувањето да го направат и подоцна во текот на денот, да купуваат се на едно место и во најблиската продавница.
Продавачите на зелените пазари се жалат дека секоја година прометот им се намалува. Ова се должи на се поголемата понуда на овошје и зеленчук во трговските маркети кои полека го преземаат бизнисот на продажбата на земјоделските производи.
Помладите потрошувачи најчесто купуваат во маркетите, додека постарите и натаму повеќе сакаат да одат на пазарите.
Причина за намалениот промет на тезгите, според пазарџиите е што вработените понекогаш немаат доволно време да одат подалеку, маркетите работат подолго и се може да купи на едно место, а не само овошје и зеленчук.
Во анкетата, половината или 51 проценти од потрошувачите се изјасниле дека подеднакво се снабдуваат со земјоделски производи, и од маркетите и на пазарите. Овој бројка пред 2 години беше за поинаква. Според податоците само 15 проценти изјавиле дека купуваат само во маркетите, а 34 дека повеќе ги сакаат пазарите бидејќи зеленчукот и овошјето се поевтини и по квалитетни.
Инаку како одговор во последната, анкета половина од потрошувачите се изјасниле дека не веруваат дека купуваат безбедни производи ниту во маркетите ниту на пазарите.