Самит на лидерите на Западен Балкан и ЕУ
Заедно со другите лидери од земјите од Западниот Балкан премиерот Зоран Заев попладнево во Берлин ќе има итен состанок со германската канцеларка Ангела Меркел и францускиот претседател Емануел Макрон. Од владата е потврдено присуството на Заев во Берлин и најавени се негови средби со Меркел и со Макрон.
Покрај Заев, во берлин ќе бидат Александар Вучиќ од Србија, Еди Рама од Албанија, Хашим Тачи од Косово, Мило Ѓукановиќ од Црна Гора и Денис Звиздиќ од БиХ. Поканети се и премиерите на Словенија и Хрватска, Марјан Шарец и Андреј Пленковиќ, а како гостинка и високата претставничка на ЕУ за заедничка безбедносна и надворешна политика Федерика Могерини.
Денешната средба во Берлин е нова заедничка иницијатива на Меркел и на Макрон. Во фокусот се очекува да бидат односите меѓу Белград и Приштина иако без многу очекувања за суштински напредок .