,,Белене“ станува регионален проект

Како инвеститори можат да се јават бугарски,странски или пак мешовити компании,а целата постапка треба да заврши до мај 2020-та,најави Петкова.Според неа проектот за нуклеарката Белене е регионален ,од значење за цела југоисточна Европа.

Темјанужа Петкова-министер за енергетика на Р.Бугарија

,, Покрај компаниите со првичен интерес за  проектот, беше испратена и покана за учество во процесот на селекција на стратешки инвеститори до: Република Северна Македонија, Република Србија и Република Црна Гора.“

Начелно сите  земји од регионот се заинтересирани за  струја од нуклерката во Белене,меѓу нив и ние.Белене е можеби најлесното,наједноставното и најбрзо решение за обезбедување  базна енергија, смета вицепремиерот Кочо Анѓушев.

Кочо Анѓушев-вицепремиер за економски прашања

,,И ние  како и целиот регион сме заинтересирани  да учествуваме во изградбата на  бугарската атомска   централа Белене, но се уште не е дефиниран концептот, ниту финансиската конструкција и структурата на инвеститорите .Тоа е наједноставен ,најбрз и најефтин начин да се обезбеди потребната  базна  енергија.“

Засега  како потенцијални стратегиски инвеститори во игра се моќни државни компании од Русија,Кина и од Франција. Бугарија посакува  во проектот да влезе Русија чија што компанија ,,Атомстројекспорт“  веќе  испорача  добар  дел од купената опрема за Белене.Рокот од 10 години за завршување на нуклеарката е реален,но може и да се скрати , вели министерката Петкова ,која што очекува  во проектот со најмалку 30% да учествуваат и бугарските компании.

Досега е изграден поголем дел од потребната инфраструктура,патиштата,железничката линија,пристаништето и бетонската основа.Останува да се изградат реакторскиот простор и турбинската сала.Атомската централа во Белене ќе зафаќа површина од околу 2500 хектари.Бугарија реши втората  нуклеарка  да ја гради на пазарен принцип и без државна гаранција.

Свето Николовски