Финансиска поддршка за порибување
Со 1,5 милиони евра државни пари ќе се финансира зголемувањето на рибниот фонд во Mакедонија.
Порибувањето и годинава е обврска на концесионерите кои ќе бидат субвенционирани за оваа активност и за другите инвестиции во рибарството. Пријавувањето е во тек.
Финансиска поддршка е наменета за набавениот порибителен материјал за рибниците во период од 01 февруари до 30 мај 2019 година.
Средствата се исплаќаат скалесто и тоа до 100 проценти за купен или произведен сопствен подмладок до 2.500 килограми. Од 2500 до 5000 кикограми следуваат 75, а за поголема килажа субвенцијата е до 25 отсто од вредноста на подмладокот.
Право на користење на овие стрдства имаат субјектите со дозвола за производство на порибителен материјал од рибник наменет за продажба и кои немаат увезено риби во периодот од декември 2018 до декември 2019 година.
Право на субвенции за набавен подмладок имаат и субјектите кои се регистрирани за дејноста аквакултура и се запишани во регистарот во Министерството за земјоделство и имаат купено подмладок од рибник наменет за трговија.
Краен рок за доставување на барањата за исплата на средствата е 15 јули 2019 година.