Катица Јанева во СЈО

Засега  нема информации зошто Јанева дошла во СЈО. Таа од минатиот вторник беше на боледување, откако во понеделникот си даде оставка на функцијата и од тогаш е недостапна за јавноста.

Јавното обвинителство  соопшти дека е  обезбеден  и вториот мобилен телефон  што  и припаѓаше на специјалната обвинителка Катица Јанева, а која тврдеше дека го загубила во Белград. Лицето, пак, кај кое е пронајден телефонот изјавило дека апаратот е добиен на подарок. Обвинителството го лоцираше мобилниот преку издадено барање до мобилните оператори за следење на меѓународен идентитет на мобилна опрема. Со наредба на судија на претходна постапка телефонот е одземен и предаден на вештачење. Ќе се испитува дали бил средство на СЈО.