Борозан ново име во Металург

Од денеска нов член на клубот и официјално е младиот Црногорец Вуко Борозан. 203 см високиот талентиран лев бек доаѓа од Карловац, каде што до неодамна играше заедно со Лука Циндриќ. Потпиша договор на две и пол години.

„Драго ми е што дојдов во клуб со многу богата традиција и со амбиции на сите фронтови. Чест ми е што ќе бидам дел од клуб којшто игра во Лигата на шампионите и којшто досега ја покажал својата големина. Посебно ми е драго и голема чест што ќе работам со стручњак каков што е Лино Червар. Тој е еден од најдобрите тренери на светог“, изјави Борозан на неговата промоција, веднаш по потпишувањето на договорот.