Општина Крива Паланка
Општина Крива Паланка распиша конкурс за доделување на наградите „8-ми Октомври", „Почесен граѓанин на Крива Паланка" и „Признание за особени постигнувања и придонес за развојот и афирмацијата на општината за 2019 годин“.
Наградата „8-ми Октомври" општина Крива Паланка ја доделува на физички и правни лица како знак на општествено признание за особени постигнувања во стопанството, науката, уметноста, културата, спортот, воспитанието и образованието, заштитата и унапредување на животната средина и природата, кои се од големо значење за развојот на општината..
Наградата „Почесен граѓанин на Крива Паланка" се доделува на поединец–физичко лице државјанин на Република Северна Македонија или странец за исклучителни заслуги и афирмација на Крива Паланка..Од Општината информираат дека по повод 8 Октомври, денот на ослободување на градот ќе бидат доделени и признанија за особени постигнувања и придонес за развојот и афирмацијата на Крива Паланка.
Право да предлагаат кандидати за наградите и признанијата имаат правни и физички лица со живеалиште на подрачјето на Општината Крива Паланка.
Конкурсот трае осум дена од денот на објавувањето, а предлозите за кандидати се доставуваат до одборот за доделување награди и признанија на Крива Паланка во архивата најдоцна до 18 септември 2019 година.
подготви м-р Елизабета Кузмановска- новинар