Од 1 ноември билет за едно возење во градскиот превоз
Од 1 ноември во автобусите на ЈСП и приватните превозници ќе може да се купи билет за едно возење.Цената според одлуката на Советот на Град Скопје ќе изнесува 50 денари..
Станува збор за хартиен билет кој треба да ја пополни празнината која настана со воведување на картичката „Скопска“ на оние кои користат јавен превоз ретко, а особено на туристите.
– Картичката „Скопска“ може да се надополнува само во билетарниците на ЈСП „Скопје“ и трафиките. Граѓаните кои ретко го користат јавниот превоз или се од другите градови, а во Скопје доаѓаат по потреба, мора да набават неперсонализирана картичка или да платат со мобилен телефон. Во најнеповолна ситуација се туристите кои не можат да ги користат сегашните опции на јавен провоз, односно не можат да купат карта во автобусите, вели градоначалникот Петре Шилегов.
Цените на превозот во ЈСП за надополнување на картичката скопска остануваат непроменети, односно 35 денари е возење со картичка кога се надополнува како сума, додека 25 денари кога се врши надополнување на 10 возење кои чинат 250 денари.