Ќе се чисти покривот на Светот

Монт Еверест, покривот на Светот ќе се чисти. Непалските власти воведоа ново правило за алпинистите што ќе го освојуваат највисокиот врв – ќе мораат на враќање да донесат 8 килограми ѓубре или ќе се соочат со тужба.

На падините на Монт Еверест секоја година се собираат купишта ѓубре, од шатори, конзерви и празни боци со кислород до тела на загинати алпинисти кои не се распаѓаат поради студот.