Макфест и оваа година ексклузивно на Македонската телевизија

На 34. издание на „Макфест“ што ќе се одржи на 10, 11 и 12 октомври во НУЦК „Ацо Шопов“ во Штип ќе бидат изведат 30 нови композиции. Во финалето ќе влезат 20 композиции, а уметничкиот директор Владимир Дојчиновски најави шаренолик фестивал од секој аспект, од возраст на изведувачи и автори па се до жанрови на музика за сите вкусови и генерации.

Во продолжение е и официјалниот редослед на изведувачи и песни.

На првата полуфинална вечер ќе настапат: Мартинијан Кириловски со песната „Стопати на ден“, Мартина со „Зрак“, Трајче Георгиев - „Си одиш ти“, Марија Груевска – „Соло“,  Акустик Дивижн - „Магија“, Ивана Бизо - „Знам“, Мина Блажев -  „Не можам без тебе“, Виктор Апостоловски - „Оди си“, Александар Митевски и Драган Спасов Дац -  „Уште ми фалиш“, Огнен Здравковски и Зоран Џорлев -  „Светот нека застане“, Игор Узунов -  „Ранет херој“, Здравка Мирчевска -  „Нема утре“, Мартија Станојковиќ -  „Возбуда и љубов“, Наташа Малинкова -  „Што ли да направам“ и Кентаур -  „Допир нежен и мил“.

На втората, пак, ќе настапат: Даниел Дан – „Завртив круг“, Филип Јордановски и Емилија Гиевска – „Вечно заедно“, Елена Наумова – „Крај“, Дексо и Принц – „Фанк“, Симона Поповска – „Љуби ме“, Фрајле – „Не и признавај“, група Екстраваганса – „Како странец“ , Елена Петреска – „Без дилема“, Лара – „Кој те учи така“, Росана Сариќ Тодоровска – „Спомени“, Јасмин Лопез – „Врела крв кубанска“, Коки и Тајфата – „Бела ајта“, Барбара – „Во срцето“, Игор Шарески – „Без тебе“ и Славица Ангелова – „Љубовта не боли“.

Наградите се 5.000 евра за прво место, 3.000 евра за второ, и 1.000 евра за трето место, додека техничките награди се по 500 евра поединечно, за најдобар аранжман „Драган Ѓаконовски – Шпато”, најдобар дебитант, вокална интерпретација и сценски настап.

Организатор на фестивалот е Општина Штип, со поддршка од Министерството за култура. И годинава, за преносот е задолжена МРТВ.